पर्यटन विभागबाट भैरहवाको सिद्धार्थ भिलासा, धुमबाराहीको अकामा, लाजिम्पाटको दुसित प्रिन्सेस र बुढानिलकण्ठको लेमन ट्री प्रिमियर होटेलले पाँचतारा स्तरको मान्यता प्राप्त गरेका छन् ।
काठमाडौं । चालु आर्थिक वर्षमा तीनवटा पाँचतारे होटेलले पाँचतारा स्तरको मान्यता पाएका छन् । पर्यटन विभागले भैरहवाको सिद्धार्थ भिलासा, लाजिम्पाटको दुसित प्रिन्सेस, धुम्बाराहीको अकामा र बुढानिलकण्ठको
लेमन ट्री प्रिमियरलाई पाँचतारा स्तरमा वर्गीकरण गरेको हो ।
यी चार होटेलमा होटेलमा तीन सय ९९ कोठा छन्, जसमध्ये सिद्धार्थ भिलासामा ८५, दुसित प्रिन्सेसमा १०७, अकामामा १०५ र लेमन ट्री प्रिमियरमा १०२ कोठाहरु छन् ।
यो सँगै पर्यटन विभागबाट पाँचतारा स्तरको स्तर वर्गीकरण भई इजाजतपत्र पाउने होटेलहरु २३ पुगेका छन् । जसमध्ये झापाको मेची क्राउन प्लाजा पाँचतारा डिलक्स होटेल हो ।
पाँचतारेमध्ये फुलवारी रिसोर्ट, सांग्रिला होटेल, अन्नपूर्ण होटेल हाल सञ्चालनमा छैनन् । कोभिडयता बानेश्वरको एभरेष्ट होटेल पनि पूर्ण क्षमतामा सञ्चालनमा छैन ।
कोभिड महामारी, मन्दीलगायत कारणले अन्य क्षेत्रमा लगानी हुन नसके पनि देशैभर विश्वस्तरका लक्जरी होटेलहरु सञ्चालनमा आइरहेका छन् । यस्तै, ठूलो संख्यामा होटेल तथा रिसोर्ट निर्माणाधिन अवस्थामा छन् ।
साढे दुई दशकको हस्पिटालिटी अनुभव भएको सिद्धार्थ हस्पिटालिटी ग्रुपले भैरहवामा ‘सिद्धार्थ भिलासा’ सञ्चालनमा ल्याएको हो । करिब ५ बिगाहामा फैलिएको होटेलमा साना/ठूला गरी पाँचवटा कन्फ्रेरेन्स हल र
पाँचवटै रेस्टुरेन्ट रहेका छन् । साढे दुई अर्ब लगानीमा सञ्चालनमा आएको होटेलमा १५ सयजना क्षमताको देशकै ठूलो ब्यांक्वेट हल रहेको छ ।
धुमबाराहीको अकामा होटेलले चार वर्षअघि सञ्चालनमा आएको हो । नौ रोपनी क्षेत्रफलमा फैलिएको होटेलमा गैरआवासीय नेपालीहरुको लगानी छ । होटल ल्हासा इन्टरनेसल समूहले अढाई अर्ब लगानीमा
लाजिम्पाटमा दुसित प्रिन्सेस होटेल सञ्चालनमा ल्याएको हो ।
वर्णबास बन्यो बुटिक होटेल
०८० माघदेखि सञ्चालनमा आएको वर्णबास होटेलले पर्यटन विभागबाट लक्जरी बुटिक होटेलको मान्यता पाएको छ ।
व्यवसायी एवं सांसद राजेन्द्र बजगाईंले करिव एक अर्ब रुपैयाँ लगानी गरेर सञ्चालनमा ल्याएको वर्णबास होटेलमा ४८ कोठा छन्, जसमध्ये ६ वटा प्रेसिडेन्सियल स्वीट र १८ वटा स्वीट हुन्