रियल इस्टेट कारोबार स्थिर, वृद्धिदर ३.१ प्रतिशत मात्रै

काठमाडौं । मन्दीमा फसेको रियल इस्टेटसम्बन्धी गतिविधिहरुमा अझै सुधार आउन सकेको छैन । 

चालु आर्थिक वर्षको दोस्रो त्रैमासमा रियल इस्टेट गतिविधिको कुल मूल्य अभिवृद्धि वृद्धिदर ३.१ प्रतिशत रहेको छ । जबकी, पहिलो त्रैमासमा पनि ३.१ प्रतिशत नै कायम रहेको थियो ।

गत आवको चारवटै त्रैमासिक अवधिमा रियल इस्टेट कारोबारको वृद्धिदर ३ प्रतिशत कायम रहेको थियो ।

भूमि व्यवस्थापन तथा अभिलेख विभागको तथ्यांकले पनि घरजग्गा कारोबारमा मन्दी कायमै रहेको देखाउँछ । 

यस्तै, नेपाल राष्ट्र बैंकको तथ्यांकले पनि घरजग्गा क्षेत्रमा कर्जाको आकार बढ्न नसकेको देखाएको छ ।