यस्तो बन्दैछ वीरगञ्जमा लक्जरी कोलोनी ‘सुख भिल्लाज’, मूल्य पौने २ करोडबाट सुरु

काठमाडौं । सुखको यहि नै परिभाषा भन्ने छैन । यसमा मनोवैज्ञानिक तथा विश्लेषकहरुको आआफ्नै तर्क हुन सक्छन् । सुखलाई कतिपयले आत्मसन्तुष्टीसँग जोडेर हेर्छन् । आफुले चाहेको चिज प्राप्त गर्नुलाई पनि सुखका रुपमा लिइन्छ । 

कतिपयले धन, सम्पत्ती र ऐस आरामलाई सुखसँग तुलना गर्छन् । सुखलाई आत्माको शान्ती पनि भन्ने गरिन्छ । खुशी प्राप्त हुने पनि एक किसिमको सुख नै हो । भव्य बंग्लोमा विलासी सुविधाहरु उपभोग गरेर बस्नुलाई सुखको मानक पनि ठान्ने गरिन्छ ।

खासमा, सुखको अर्थ अत्यन्तै वृहत देखिन्छ । यही वृहत अर्थलाई आत्मसात् गर्दै वीरगञ्जमा ‘सुख भिल्लाज’ निर्माण सुरु भएको छ । घर त्यो हो, जहाँ मन बस्छ । जहाँ मन बस्छ, त्यहाँ आत्मसन्तुष्टी मिल्छ । आत्माको सन्तुष्टी नै एक अर्थले सुख हो । 

हो, यही सुख र खुशी प्राप्त गर्न सक्ने गरी वीरगञ्जमा हाउजिङ परियोजना सुख भिल्लाज निर्माण भइरहेको छ, जहाँ मान्छेले मोडर्न डिजाइनका आलिसान घर र विलासी सेवा सुविधाहरु उपभोग गर्न पाउनेछन् । अर्थात्, मन बस्ने घर बनाइँदै छ ।  

वीरगञ्जमा साढे तीन विगाहा क्षेत्रफलमा हाउजिङ कोलोनी निर्माण सुरु गरिएको छ । परियोजनाभित्र १०४ घर बनाउने योजना रहे पनि पहिलो चरणमा ७५ वटा घरहरु निर्माण गर्ने बताइएको छ ।

 

वीरगञ्जको मुटुमा अवस्थित आवास परियोजना समकालीन जीवनयापन र किफायती विलासिताको उत्तम मिश्रण प्रदान गर्ने आधुनिक आवास परियोजना भएको कम्पनीको भनाई छ । 

अहिले एक दर्जनभन्दा बढी घरको स्ट्रक्चर निर्माण सुरु भइसकेको छ । क्रमशः अरु घर पनि निर्माण सुरु गर्दै जाने कम्पनीले जाएको छ । कम्पनीले यो वर्षको अन्तिमसम्म परियोजना निर्माण सम्पन्न गरेर घरहरु हस्तान्तरण गर्ने लक्ष्य लिएको छ ।

अहिले निर्माणाधिन घरहरु धमाधम बुकिङ लिइरहेको कम्पनीका एक प्रतिनिधिले बताए । परियोजनाभित्र ८ देखि १२ धुर क्षेत्रफलसम्मका घरहरु निर्माण भइरहेको छ । घरको निर्माण क्षेत्रफल २२ सय ५० देखि तीन हजार ३० स्क्वायरफिटसम्म हुने बताइएको छ । घरको क्षेत्रफलअनुसार मूल्य पनि फरक फरक रहेको छ ।

सुख भिल्लाजमा पाँच प्रकारका घरहरु बन्दैछन्, जुन घरहरु फोर बेडरुम र फाइभ बेडरुम अप्सनमा उपलब्ध हुनेछन् । यहाँ बनेका घरको सुरुवाती मूल्य एक करोड ७६ लाख रुपैयाँ राखिएको छ । हाउजिङ परियोजनालाई सुविधा सम्पन्न बनाउन कुनै कसर बाँकी राखिएको छैन ।

हाउजिङका घरहरु चार र पाँच बिएचके हुनेछन् । जहाँ डाइनिङ हल, स्पेसियस किचेन, लेभिस लिभिङ रुम, कार पार्किङ लगायतका सुविधाहरु छन् । यहाँ बन्ने घरको बिल्ड अप एरिया २८ सय ३० स्क्वायर फिटसम्म हुने बताइएको छ ।

सुख भिल्लाजमा चौबिसै घण्टा सेकुरिटी, विद्यूत र पानीको व्यवस्था हुनेछ । यस्तै, जिम हल, हेल्थ सर्भिस, स्वीमिङ पुल, ब्यांक्वेट हल, कफी सप लगायतका सुविधाहरुीभत्रै हुनेछन् । मोडर्न इन्टेरियर डिजाइनका घरहरुले मान्छेलाई विलासीताको अनुभूति दिलाउने छ ।  

नेपालको सबैभन्दा छिटो विकास भइरहेको शहरहरुमध्येको एक वीरगञ्जमा अहिले धमाधम सुविधा सम्पन्न हाउजिङ तथा अपार्टमेन्ट निर्माण भइरहेका छन् ।

वीरगञ्जमा परिवार, पेशेवरहरु र लगानीकर्ताहरुलाई मध्यनजर गरी सुविधा सम्पन्न आवासहरुको सुख भिल्लाज कोलोनी निर्माण गर्न लागेको कम्पनीले जनाएको छ । 

कोलोनीमा प्रत्येक घरपरिवार र सामाजिक जमघटहरुको लागि फराकिलो बस्ने ठाउँ, उच्च गुणस्तरका सामाग्रीहरु र स्टाइलिस र आधुनिक फिनिसिङ, ल्यान्डस्केप बँगैचा, सामुहिक प्रयोगका लागि खुला ठाउँ, मनोरञ्जन सुविधाहरु पनि उपलब्ध छन् । 

सुख भिल्लाजले व्यवहारिक, सौन्दर्यशास्त्र र अतुलनीय मूल्यमा ध्यान केन्द्रित गर्दै जीवनशैलीलाई रुपान्तरणगर्दै आवश्यक सेवाहरुमा निर्वाध पहुँच सुनिश्चित गर्ने कम्पनीको दाबी छ ।