पहिलो घरकर्जा लिनेलाई निश्चित अवधिसम्म स्थिर ब्याजदर दिन खनाल आयोगको सुझाव

काठमाडौं । उच्चस्तरीय आर्थिक सुधार सुझाव आयोगले स्थिर आय हुने व्यक्तिहरुले लिने पहिलो घरकर्जालाई निश्चित अवधिसम्म स्थिर ब्याजदर उपलब्ध हुने व्यवस्था गर्न सुझाव दिएको छ ।

पूर्वअर्थसचिव रामेश्वर खनाल नेतृत्वको आयोगले बैंक तथा वित्तीय संस्थाहरुबाट ऋण लिएर पहिलो पटक घर खरिद गर्ने व्यक्तिलाई ब्याजदरको भार पार्न नहुने सुझाव दिएको हो । 

निश्चित आय भएका मानिसहरुले पहिलो घर खरिद गर्न लिने ऋणको ब्याजदर बढ्दा ब्याजको भार उच्च भई उनीहरु प्रभावित हुने अवस्था रहेको उच्चस्तरीय आयोगको ठहर छ ।

प्रतिफल आउन समय लाग्ने उत्पादनमुलक क्षेत्रहरु र निर्यातलाई प्रवद्र्धन गर्न त्यस क्षेत्रमा जाने कर्जाको ब्याजदर पनि निश्चित अवधिसम्म स्थिर हुनुपर्ने प्रतिवेदनमा उल्लेख छ । 

बैंकिन प्रणालीको सञ्चालन लागत क मगर्दै सक्षमता अभिवृद्धि गर्ने र वित्तीय स्थायीत्वमा ध्यान दिँदै कर्जा र निक्षेपको ब्याजदर अन्तर कम गर्दै लैजाने व्यवस्था गर्न पनि सुझाव दिइएको छ ।

निक्षेपको वास्तविक ब्याजदर धनात्मक र कर्जाको ब्याजदर एक उच्च अंक वा न्यून दोहोर अंकमा राख्ने गरी ब्याजदर नीति अवलम्वन गर्न पनि प्रतिवेदनमा सुझाव दिइएको छ ।