काठमाडौं भ्यालीमा २० लाखमुनिका जग्गा खोज्दै हुनुहुन्छ ? यी हुन सक्छन् उपयुक्त विकल्प

काठमाडौं । ७७ वटै जिल्लाका मान्छेको तिब्र बसाइसराइले जग्गाको उपलब्धता कम हुँदै गएपछि काठमाडौं उपत्यकामा सस्तो मूल्यका घडेरी पाउन मुस्किल पर्न थालेको छ । उपत्यकाका कुनाकाप्चातिरै पुग्दा पनि घडेरीको मूल्य आनाको २० लाखभन्दा धेरै भन्छन् । 

अब प्रतिआना ८/१० लाखसम्मका जग्गा भेट्याउनु भनेको भगवान फेला पार्नुसरह हो । मन्दीले घरजग्गा कारोबार ठप्प हुँदा पनि घडेरीको मूल्य त्यति नघटेको घरजग्गा कारोबारी बताउँछन् । महंगो मूल्यका ठूला प्रोपर्टीको मूल्य भने मन्दीले केही घटेको छ ।

हामी तपाइँलाई काठमाडौं उपत्यकाभित्र बिक्रीमा राखिएका प्रतिआना मूल्य २० लाखमुनिका जग्गाहरुको बारेमा जानकारी गराउँदै छौं ।   

१) भक्तपुरको सुडालमा १५ फिट बाटोको पहुँच भएको तीन आनादेखि चार आनासम्मका टुक्रा जग्गाहरु बिक्रिमा राखिएको छ । प्लटिङमा रहेको यी घडेरीको बिक्री मूल्य प्रतिआना १९ लाख ५० हजार भनिएको छ ।

२) गोलढुंगामा ७ फिटे बाटोमा रहेको सात आना जग्गा बिक्रीमा छ । उत्तर–पूर्वी मोहडा फर्किएको सो आवासीय जग्गाको मूल्य प्रतिआना १३ लाख ५० हजार रुपैयाँ तोकिएको छ ।

३) काठमाडौंको फर्पिङमा २० फिट बाटोको पहुँच भएको २२ रोपनी जग्गा बिक्रीमा रहेको छ । कृषि वा अन्य व्यवसायिक प्रयोजनको लागि उपयुक्त रहेको सो जग्गाको मूल्य आनाको २ लाख ५० हजार रुपैयाँ राखिएको छ ।

४) ललितपुरको बुङमतिमा तीन आना वा सोभन्दा बढी क्षेत्रफलका टुक्रे जग्गाहरु बिक्रीमा राखिएको छ । मोटर बाटोको पहुँच भएको यी घडेरीको मूल्य प्रतिआना १६ लाख रुपैयाँ भनिएको छ ।

५) ललितपुरको लामाटारमा तीन आना वा त्यसभन्दा बढी क्षेत्रफलका टुक्रे जग्गाहरु बिक्रीमा छन् । १३ फिटको बाटोको पहुँच भएको यी घडेरीको मूल्य १५ लाख ५० हजार रुपैयाँ प्रतिआना तोकिएको छ ।

 ६) काठमाडौंको सुन्दरीजलमा १३ फिट बाटोको पहुच भएको चार आना एक पैसा आवासीय जग्गा बिक्रिमा  छ, जसको मूल्य प्रतिआना १७ लाख रहेको छ ।

७) काठमाडौं उपत्यका नजिकै रहेको जिल्ला काभ्रेको पाँचखालमा बत्तीस रोपनी क्षेत्रफलमा फैलिएको प्लटिङमा घडेरी बिक्रीमा छन् । १३ फिट ढलान बाटोको सुविधा रहेको घडेरीहरुको मूल्य प्रतिआना ६ लाख राखिएको छ ।

८) काठमाडौंको किर्तीपुरस्थित चोभारमा २२ फिटको बाटोसँगै जोडिएको चौतिस रोपनी जग्गा बिक्रीमा छ । विविध प्रयोजनको लागि उपयुक्त हुने सो जग्गाको मूल्य प्रतिआना १८ लाख रुपैयाँ भनिएको छ ।

९) ललितपुरको गोदावरीमा २० फिट बाटोको पहुच रहेको छ रोपनी जग्गा बिक्रीमा उपलब्ध छ । शान्त र रमणीय वातावरणमा अवस्थित सो जग्गाको मूल्य प्रतिआना १६ लाख ५० हजार तोकिएको छ ।

१०) काठमाडौंको फुटुङ तारकेश्वरमा १० फिट बाटोको पहुच भएको चार आना आवासीय जग्गा बिक्रिमा राखिएको छ । दक्षिण मोहडा फर्किएको यस जग्गाको मूल्य प्रतिआना १८ लाख रहेको छ ।

११) काठमाडौंकै काभ्रेस्थलीमा उत्तर–पूर्वी मोहडा फर्किएको तीन रोपनी दुई आना जग्गा बिक्रीमा छ । १३ फिटको बाटो जोडिएको सो जग्गाको मूल्य प्रतिआना ९ लाख ५० हजार रुपैयाँ राखिएको छ ।

 १२) भक्तपुरको खड्का गाँउमा दक्षिण मोहडा फर्किएको दुई रोपनी चार आना जग्गा बिक्रीमा रहेको छ । २० फिट बाटोको पहुच भएको सो जग्गाको मूल्य २० लाख प्रतिआना राखिएको छ ।