कुन राशिले कस्तो रङ प्रयोग गर्ने ? वाशुदेव शास्त्रीको सुझाव

घर तथा अफिसमा रङ लगाउँदा ध्यान दिनु जरुरी छ । राशिअनुसार शुभ रङको छनौट गर्नुपर्ने हुन्छ । घर तथा अफिसमा घरमूली, कार्यकारी प्रमुख वा शेयर होल्डरको राशिअनुसार रङको छनौट गर्न सकिन्छ । निवासस्थान, प्रमुखद्धार, बैठक कोठा आदिमा वास्तुशास्त्रअनुसार विचार पुर्याएर रङ लगाउँदा काममा सफलता, उत्साह र उमंग आउँछ ।

शैक्षिक संस्था, स्कुल, कलेज, शैक्षिक परामर्श केन्द्र लगायतमा सेतो र क्रिम रङ शुभ मानिन्छ । हस्पिटल तथा स्वास्थ्य सेवा केन्द्रहरुमा हल्का नीलो, हरियो, उज्यालो र मिश्रित रङ शुभ हुन्छ । घरमा लगाउने रङ हल्का सुनौलो, हरियो, मिश्रित रङ शुभ मानिन्छ । गेटमा कहिल्यै कालो रङ लगाउन हुँदैन ।

वस्तुसम्मत र सम्पूर्ण प्राकृतिक सिद्धान्तलाई आत्मसात गरी रङ लगाउने हो भने सुख, शान्ति र समृद्धि प्राप्त गर्न सकिन्छ । व्यवसायिक उन्नतिका लागि कर्पोरेट वास्तुलाई अनुसरण र उद्योग व्यवसायमा समुचित रङको प्रयोगले प्रगति बढ्दै जाँदा राष्ट्रिय उन्नतीमा सफलताको शिखर चढ्न सकिन्छ ।  

कुन राशिका व्यक्तिले कुन रङ लगाउँदा उपयुक्त हुन्छ ?

मेष र वृश्चिक

यी राशिको स्वामी मंगल भएको हुनाले मंगल ग्रहको रङ रातो, मिश्रित, गुलावी, सिलभर, हल्का फुस्रो हुन्छ । र, मेष र वृश्चिक राशिका व्यक्तिलाई यि रङ शुभदायक हुन्छन् । वृष र तुला

यी राशिको स्वामी ग्रह शुक्र हो । शुक्र ग्रहकको रङ भनेको सेतो, उज्यालो, घिउ, खैरो, फुस्रो, सिल्भर हो । घरमुली वा अफिसको कार्यकारी प्रमुखको राशिअनुसार यो रङको प्रयोग गर्न सकिन्छ । स्फटिक रङ शुभ हुन्छ ।

मिथुन र कन्या

यी राशीको स्वामी बुध ग्रह हो । बुधको रङ हरियो, खैरो, पहेँलो, गाढा हरियो र दुबो रङ हो । यस्तो रङ लगाउँदा सफलता मिल्छ । मिश्रित कार्य, व्यापार, व्यवसाय, आवसमा राशिअनुसार यो रङ शुभ मानिन्छ ।

कर्कट

कर्कट राशिको स्वामी चन्द्रमा हो । चन्द्रमाको रङ सेतो, दुधिलो, फिका सेतो मानिन्छ । राशिअनुसार यो रङको प्रयोग गर्दा सुख, शान्ति, सफलता प्राप्त गर्न सकिन्छ ।

सिंह

सिंह राशिको स्वामी सूर्य हो । सूर्यको रङ रातो, सप्तरंगी, गुलावी मानिन्छ । यो राशिका व्यक्तिले रातो, सप्तरंगी र गुलावी रङ लगाउँदा उत्तम मानिन्छ ।

धनु र मीन

यो राशिको स्वामी वृहस्पती हो । वृहस्पतीको रङ सुनौलो, पहेँलो, सुगा रङ, गाढा पहेँलो, बेसारे, केशरिया तथा मिश्रित मानिन्छ । यो रङको प्रयोग गर्दा उन्नति, प्रगति प्राप्त हुन्छ ।

मकर र कुम्भ

यो राशीको स्वामी शनि हो । शनिको रङ भनेको आकाशे, गाढा निलो, हल्का निलो, कालो मिश्रित टाटेपाटे, छिर्केमिर्के, धर्के, हल्का ध्वाँसे मानिन्छ ।