धादिङको मासटारमा खुल्यो ट्रिपल क्राउन रिसोर्ट

काठमाडौं । धादिङको गल्छी गाउँपालिका–४ मासटारमा ट्रिपल क्राउन रिसोर्ट सञ्चालनमा आएको छ । ८ रोपनी क्षेत्रफलमा करिव १५ करोड रुपैयाँ लगानी गरेर रिसोर्ट सञ्चालनमा ल्याइएको हो ।

रिसोर्टमा स्थानीय युवाहरु केशव अधिकारी, दिपक अधिकारी र रमेश अधिकारीको संयुक्त लगानी रहेको छ । 

रिसोर्ट विवाह, व्रतबन्ध, सेमिनार, गोष्ठीलगायतका कार्यक्रमका लागि उपुयक्त रहेको बताइएको छ । दैनिक पाँच सय जना पाहुनालाई खाना खुवाउने क्षमता छ । 
रिसोर्टमा स्विट, स्टान्डर्ड र डिलक्स गरी १५ वटा कोठाहरु छन्, जहाँ एक पटक ५० जना बास बस्न सक्छन् । रिसोर्टका सबै कोठामा बातानुकुलित एसी जडान गरिएको छ ।

रिसोर्टमा दुईवटा कन्फ्रेन्स हल, एडल्ट र चाइल्डका लागि छुट्टाछुट्टै स्विमङ पुल, कफि सप, बार, बच्चाहरुका लागि गेमिङ जोन, चित्ताकर्षक बगैँचा लगायत छन् ।

यस्तै, रिसोर्टमा करिव दुई सयजना क्षमता रहेको रेष्टुरेन्ट र ठूलो तथा सानो गरि करिब चार सय ५० जनालाई एक पटकमा कार्यक्रम सञ्चालन गर्नको लागि कन्फ्रेन्स हलको व्यवस्था छ ।

रिसोर्ट परिसरमा सानाठूला गरी करिव सय सवारी पार्किङ गर्न मिल्छ ।