घट्यो सिमेन्ट निर्यात

काठमाडौं । निर्यात व्यापारमा आशा बढाउँदै गइरहेको सिमेन्ट र क्लिंकर निर्यात घट्न थालेको छ । चालु आर्थिक वर्षको पहिलो दुई महिना भदौ र असोजमा सिमेन्ट र क्लिंकरको निर्यात २०.४१ प्रतिशतले घटेको छ । 

यस वर्ष दुई महिनाको अवधिमा ३३ करोड ३१ लाख रुपैयाँ बराबरको सिमेन्ट र क्लिंकर भारततर्फ निर्यात भएको भन्सार विभागले जनाएको छ । जबकी, गत वर्षको सोही अवधिमा ४१ करोड ८५ लाख रुपैयाँ बराबरको सिमेन्ट र क्लिंकर निर्यात भएको थियो ।

दुई महिनाको अवधिमा ६ करोड रुपैयाँको १० हजार ८३६ टन क्लिंकर निर्यात भएको छ भने २७ अर्ब २३ करोड रुपैयाँको एक लाख २२ हजार टन तयारी सिमेन्ट निर्यात भएको छ ।

यस वर्ष अर्धप्रशोधित सिमेन्ट (क्लिंकर)को निर्यात घटेपछि समग्र सिमेन्ट निर्यात नै घटेको छ । नेपालबाट क्लिंकर आयात गरेर भारतीय ग्रान्डिङ युनिटले सिमेन्ट उत्पादन गर्ने गर्छन् ।

नेपालबाट पाल्पा, सिजी पाल्पा, अर्घाखाँची, सर्वोत्तम, सौर्य, बालाजी लगायत उद्योगहरुले सिमावर्ती भारतीय बजारमा सिमेन्ट र क्लिंकर निर्यात गर्दै आएका छन् ।