ओशो तपोवन नजिकै १३ रोपनीमा बनेको आलिशान बंग्लो बिक्रीमा

काठमाडौं । नागार्जुन हिल्सको ओशो तपोवन नजिकै १३ रोपनी क्षेत्रफलमा बनेको आलिसान महल बिक्रीमा राखिएको छ । शान्त र प्राकृतिक वातावरणमा बस्‍न चाहनेहरुका बंग्लो उपयुक्त रहेको छ । 

वरिपरि घना जंगल । युरोपेली आर्किटेकमा अभूतपूर्व डिजाइन गरिएको आलिशान महल । ठूल्ठूला झ्यालसहितका उज्याला कोठाहरु । घरबाहिर फराकिलो ठाउँ । शान्त र मनोरम वातावरण रहेको बंग्लोमा पुग्दा लक्जरी रिसोर्टमा पुगेको अनुभूति हुन्छ । बसाई पनि विलासी नै हुनेछ । 

रुखै रुखहरु भएकाले घरभित्र छिर्दा छुट्टै भाइव आउँछ । रिङरोडबाट घरको दुरी सात किलोमिटर मात्र छ । यस्तै, काठमाडौं–त्रिशुली राजमार्गबाट दुई सय मिटर रहेको छ । सबैभन्दा आकर्षक पक्ष छेवैमा ओशोवन छ । घरमा जानका लागि २० फिटको ढलान बाटो छ । दक्षिणतर्फको स्लोपमा नर्सरी बनाइएको छ ।

लालपूर्जामा १३ रोपनी मात्र भए पनि साइटमा २० रोपनी जग्गा रहेको नेपाल रियल इस्टेट सोलुसन प्रालिले जनाएको छ । बंग्लोमा गार्ड हाउस र सर्भिस क्वाटर पनि रहेको छ । पर्याप्त पार्किङ सुविधा उपलब्ध छ ।

घरमा ६ वटा बेडरुम छन्, जसमध्ये मास्टर बेडरुममा अट्याच बाथरुम रहेको छ । बंग्लोमा दुईवटा कमन बाथरुम छन् । किचन, डाइनिङ, लिभिङ रुम पनि फराकिला छन् । डाइनिङ, लिभिङ, बेडरुम जताततैबाट बाहिरको हरियाली वातावरण देख्‍न पाइन्छ । बंग्लोमा ठूला झ्यालहरु प्रयोग गरिएको छ । 

यस्तै, बाहिरको दृश्यावलोकन गर्नका लागि सिसैसिसाबाट टेरेसेस बनाइएको छ । ठूलो झ्यालसहितको भव्य अफिस रुम पनि छ । जहाँ राम्रा सोफा र पुस्तकहरु मिलाएर राखिएको छ । 

घरमा प्रवेश गर्ने गेट उत्तरतर्फ फर्केको छ भने सम्पूर्ण संरचनाको फेस साउथतिर फर्किएको छ । चारैतिर ओपन हुँदा उज्यालो सबैतिरबाट आउँछ । लोड थेग्‍ने वालहरु र आरसीसी फ्रेम स्ट्रक्चरसहित घर हाइब्रिड सिष्टममा बनेको छ, जसले गर्दा भूकम्पले घरमा एउटा पनि क्र्याक आएको थिएन ।

घरमा ब्रान्डेड मेट्रियल्स र फर्निचरहरु प्रयोग गरिएका छन् । प्रकृतिमा रमाउन चाहनेहरुका लागि प्रोपर्टी अमेजिङ रहेको रियल इस्टेट सोलुसनको भनाई छ ।

कम्पाउन्डभित्रै विभिन्‍न चार सय प्रकारका बोटविरुवा छन् । विभिन्‍न प्रकारका फलफुल लगाइएको छ । बिहान उठेदेखि सुत्ने बेलासम्म चराचुरुङ्गीको चिरविर आवाज सुन्‍न पाइन्छ । 

घरभित्रको इन्टेरियरय अभूतपूर्व छ । चापको काठका पार्केटिङ गरिएको छ । घरको भर्याङ पनि आकर्षक छ । एटिक डिजाइनको घर हुनाले बेडरुमहरु पनि एटिक भाइभ्स दिने खालका छन् । 

यो घर २०४९ सालमा बनाइएको हो । अष्ट्रेलियन आर्किटेकले युरोपेली शैलीमा घरको डिजाइन गरेको बताइएको छ । यस आलिशान बङ्गलोको भिडियो हेर्नको लागि यहाँ क्लिक गर्नुहोला ।