नेपाल बैंकले घडेरी किन्‍न ऋण दिने

काठमाडौं । सरकारी स्वामित्वको नेपाल बैंकले घडेरी किन्‍न कर्जा दिने भएको छ । ‘हामी तपाईंको सपनालाई वास्तविकतामा परिणत गर्छौं’ भन्‍ने स्लोगनसहित बैंकले २० वर्ष अवधिसम्मको कर्जा योजना ल्याएको हो । 

केही वर्षयता बैंक तथा वित्तीय संस्थाहरुले घर कर्जा नदिँदा रोकिएको जग्गा बिक्रीलाई चलायमान बनाउन बैंकले घडेरी कर्जा ल्याएको बैंकले जनाएको छ । 

यस कर्जाको भुक्तानी अवधि बढीमा २० वर्षसम्म हुने बताइएको छ । सरल प्रक्रिया र सुलभ ब्याजदरमा कर्जा दिइने भनिए पनि यति नै ब्याजदर भनेरसूचनामा खुलाइएको छैन । 

राष्ट्र बैंकले पछिल्लो समय जग्गा धितो राखेर फेयर मार्केट भ्यालूको काठमाडौं उपत्यकामा ४० प्रतिशत र उपत्यकाबाहिर ५० प्रतिशतसम्म ऋण लिन पाइने व्यवस्था गरेकाे छ । 

पछिल्लो समय बैंक तथा वित्तीय संस्थाहरु कम ब्याजदरको घरकर्जा योजना ल्याउन प्रतिस्पर्धा गरिरहेका छन् । यस्ता योजनाले पछिल्लो समय सुस्ताएको घर जग्गाको कारोबारमा चलायमान हुने विश्‍वास व्यवासायीहरुको अपेक्षा छ ।