लेलेमा ५१ रोपनीको कोलोनी, २८ बंग्लो र १०२ घडेरीको बुकिङ खुला

काठमाडौं । ललितपुरको गोदावरी नगरपालिका–५ लेलेमा हेरिटेज ह्याभेन हिल्स कोलोनी बन्‍ने भएको छ ।

दी पिएम ग्रुप अफ कम्पनी प्रालि र युवा विकासको सहकार्यमा लेलेमा विशाल कोलोनी निर्माण हुन लागेको हो । 

५१ रोपनी क्षेत्रफलको परियोजनाभित्र १३० वटा घडेरी हुनेछन् । जसमा २८ वटा अढाई तलाको बंग्लो र १०२ घडेरी नै बिक्री गर्ने योजना छ । अहिले घर तथा घडेरीहरु धमाधम बुकिङ भइरहेको बताइएको छ ।

परियोजनामा सरकारको मापदण्ड बमोजिम न्यूनतम चार आना दुई दामदेखि माथिका घडेरीहरु हुनेछन् । 

चार आना दुई दाममा बन्‍ने २.५ तले बंग्लोको मूल्य एक करोड २५ लाख रुपैयाँ तोकिएको छ । यस्तै, घडेरी खरिद गर्न चाहनेले प्रतिआना १४ लाख ७५ हजार रुपैयाँ मूल्य तिर्नुपर्ने हुन्छ । 

कोलोनी परियोजना सातदोबाटो रिङरोडबाट १३.४ किलोमिटर दुरीमा लेले बसपार्कबाट दुई सय मिटर भित्र पर्छ । जग्गामा २० फिट र १६ फिटको बाटो हुनेछ ।

जग्गामा पञ्‍चमुखे बाटो आर्थत पाँचतिरबाट पुग्‍न सकिन्छ । तत्कालै घर बनाएर बस्‍न सकिने हुँदा 

जग्गामा पिच रोड, पार्क, बिजुली र पानीको राम्रो सुविधा हुनेछ । चारैतिर हरियाली सुन्दर वातावरण र प्राकृतिक सौन्दर्यताले भरिपूर्ण मनोरम दृश्यको अवलोकन गर्न सकिनेछ ।

पाँच वर्षसम्मको ५५ प्रतिशतसम्म फाइनान्सिङ सुविधा उपलब्ध छ । यदि वैदेशिक रोजगारीमा भएकाहरुले जग्गा खरिद गर्न चाहेमा ८० प्रतिशतसम्म फाइनान्सिङ सुविधा प्राप्त गर्न सक्नेछन् ।

जग्गा खरिद गर्नेलाई दुई वर्षभित्र डेढी मूल्यमा जग्गा रिटर्न ब्याक ग्यारेन्टी रहेको कमपनीको दाबी छ ।

साउन मसान्तभित्र बैना वा पास गर्नेहरुलाई विशेष छुट र लक्की ड्र मार्फत टाटा नेक्सन कार जित्‍न सक्नेछन् । हेकर जग्गा खरिदकर्तालाई जग्गाा बैना गरेकै समयमा एउटा आइफोन १४ प्रो म्याक्स उपहारमा दिने बताइएको छ ।