७.२५ प्रतिशत ब्याजदरमा राष्ट्रिय वाणिज्य बैंकको घरकर्जा

काठमाडौं । उपभोक्तालाई कम भन्दा कम ब्याजदरमा कर्जा उपलब्ध गराउने प्रतिस्पर्धामा राष्ट्रिय वाणिज्य बैंक अग्रपंक्तिमा आएको छ । कर्जा विस्तारमा आक्रमक ढंगले उत्रिएको बैंकले ७.२५ प्रतिशत ब्याजदरमै घरकर्जा योजना ल्याएको छ ।

यो सबैभन्दा कम ब्याजदरको घरकर्जा हो ।

सञ्चालनमा रहेका २७ वटा ‘क’ बर्गमा बैंकहरुमध्येमा सबैभन्दा कम आधार दर (बेसरेट) राष्ट्रिय वाणिज्य बैंकको छ । बेसरेट कम भएकै आधारमा बैंकले सबैभन्दा कम ब्याजदरको कर्जा योजना ल्याएको हो । 

बैंकहरुले ‘कस्ट अफ फन्ड’को आधारमा बेसरेट निर्धारण गर्छन् । बेसरेटमा रिस्क प्रिमियम जोडेर ब्याजदर तोक्छन् । जुन बैंकले बसरेट कम छ उसैले सबैभन्दा कम ब्याजदरमा कर्जा परिचालन गर्न सक्छ ।