सानो भर्‍याङमा ३० करोडको घर बिक्रीमा ! के के छन् सुविधा ?

काठमाडौं । के तपाईं काठमाडौंमा सुविधा सम्पन्‍न तरिकाले बस्‍न आलिसान बंग्लोको खोजीमा हुनुहुन्छ ? यदि हुनुन्छ भने सानो भर्‍याङमा ३० करोड मूल्यको आलिसान बंग्लो बिक्रीमा छ । 

रियल इस्टेटको पायोनियर अनलाइन प्लेटफर्म नेपालहोम्स डटकममा बिक्रीका लागि लिस्टिङ गरिएको बंग्लो ६० आना क्षेत्रफलमा फैलिएको छ ।

आठ मिटर चौडा रोड एक्सेस भएको बंग्लो दक्षिण पूर्व फर्किएको छ । काठमाडौंमा दक्षिण पूर्व मोहडा फर्किएको घर बस्‍नका लागि सबैभन्दा उत्तम मानिन्छ ।

सुविधा सम्पन्‍न बंग्लो साढे दुई तलाको छ, जहाँ सातवटा बेडरुम र ६ वटा बाथरुम रहेका छन् । हरेक कोठाका आफ्नै निजी बाल्कोनी समेत रहेका छन् । 

फुल फर्निस्ड बंग्लो परिसरमा तीनवटा कार र पाँचवटा बाइक पार्किङ गर्न मिल्छ ।

बंग्लोमा सुन्दर बँगैचा छ, जहाँ आनन्दले बस्‍न र रमाउन सकिने छ । घरमा मार्बल र पार्केटले फिनिसिङ गरिएको छ । यस्तै, अन्य सुविधामा सोलार, गार्डेन, पार्किङ, बाल्कोनी, रिजर्भ ट्यांकी, टेरेस, पावर व्याकअप लगायत रहेका छन् ।